21 ნოემბერს,ბათუმის წმ.იოანე ღვთისმეტყველის სახელობის სასულიერო სემინარიაში ჩატარდა ლექცია თემაზე : "გელათი, ქართველ მეფეთა და დედოფალთა საძვალე" და "ქართველი ავტოკეფალისტები ".
თემის მომხსენებლები გახლდნენ გელათის სასულიერო აკადემიისა და სემინარიის პროფესორები, ლევან ტყეშელაშვილი და ირაკლი ლორთქიფანიძე.
მოხსენების პირველ ნაწილში ბატონმა ლევან ტყეშელაშვილმა დეტალურად მიმოიხილა გელათის კულტურულ-საგანმანათლებლო კომპლექსის მიზნები და სხვა საინტერესო საეკლესიო საკითხები.
მეორე ნაწილში ბატონმა ირაკლი ლორთქიფანიძემ ისაუბრა ქართველი ავტოკეფალისტების შესახებ, რომლებმაც ურთულესი გზა განვლეს ავტოკეფალიის აღდგენისთვის.
შეხვედრის დასასრული კითხვა-პასუხის რეჟიმში წარიმართა და საინტერესო დისკუსიაც შედგა.
სამომავლოდაც დაიგეგმა საინტერესო საჯარო ლექციების ჩატარება.
